«Біз өз іс-әрекеттерімізге жауаптымыз»

11-10-сыныпта «Біз өз іс-әрекеттерімізге жауаптымыз» тақырыбында сынып сағаты өтті.

Сынып сағаты білім алушылардың құқықтық мәдениетін қалыптастыруға, өз іс-әрекеттері үшін жеке жауапкершілікті сезінуге және құқық бұзушылықтың салдарын түсінуге бағытталды.

Сабақ барысында оқушылар «заң», «құқық бұзушылық», «заңдық жауапкершілік» ұғымдарын талқылап, заңдық жауапкершіліктің түрлерін (қылмыстық, әкімшілік, тәртіптік, азаматтық-құқықтық), сондай-ақ жауапкершілікке тартылу жасын қарастырды. Жасөспірімдер арасында жиі кездесетін құқық бұзушылықтарға ерекше назар аударылды.

Оқушылар өмірлік жағдаяттарды талдауға қатысып, құқық бұзушылық түрін және оның мүмкін болатын салдарын анықтады, топпен жұмыс жасап, заң мен адамгершілік нормаларын сақтаудың маңыздылығы туралы қорытынды жасады. Талқылау барысында әр адам өз іс-әрекетінің салдарын түсініп, оған жауапты болуы тиіс деген тұжырымға келді.

Сынып сағаты оқушылардың құқықтық санасын дамытуға, сыни ойлауын жетілдіруге және азаматтық ұстанымын қалыптастыруға ықпал етті.

Сынып жетекшісі: Кравченко Л.В.