«Балаңыздың ойын оятыңыз»

Ата-аналарды педагогикалық қолдау орталығының жаңа әрі жайлы жағдайында Приозёрное ауылының жалпы орта мектебінде 5-9 сынып ата-аналарына арналған «Балаңыздың ойын оятыңыз» тақырыбында кезекті отырыс өтті. Отырыстың мақсаты – ата-аналарды жасөспірімдердің зияткерлік дамуын белсенді қолдауға дайындау және олардың білім беру мақсаттарына жетуіне көмектесу.«Қамал» атты психологиялық тренинг барысында ата-аналар жасөспірімдердің зияткерлік дамуына әсер ететін дұрыс әдістерді таңдау қажеттілігін анықтады. Бірлесе отырып, келесі кедергілерді еңсеру стратегиялары мен әдістерін әзірледі: «Жасөспірімнің мотивациясының болмауы» және «Зияткерлік қабілеттерін дамытудағы қиындықтар». Кейін бұл шешімдерді жасөспірімдермен қарым-қатынаста қалай қолдануға болатынын талқылады.
Ата-аналар қазақ ғалымы, ағартушысы, этнографы Ш. Уәлиханов пен қазақстандық химик, академик Х. Оспанов мысалында ғылымға деген сүйіспеншілікті дамытуға бағытталған жағдаяттық тапсырмаларды қарастырды.
Сынып жетекшілері ата-аналарға жасөспірімдердің зияткерлігін дамытуға арналған 7 тиімді құралды ұсынды, оларды күнделікті өмірде қолдануға болады. «Өрмекші торы» рефлексиясы барысында ата-аналардан жылы лебіздер мен кері байланыс алынды. Отырысты ұйымдастыруға уақыт бөлген барлық қатысушыларға алғысымызды білдіреміз! Келесі кездесулерде жолыққанша!

5, 6-сыныптардың сынып жетекшілері: Сергеева Н.О., Сироткина Л.А